حطم صنمك .... كلمة " لا " عباده لله

ايه هوه الصنم ؟ هوه اى حاجه بتعبد غير الله طيب جميل معنى كده ان ممكن يكون هواك صنم ممكن تكون مصلحتك صنم وكمان ممكن يكون خوفك وسلبيتك صنم يعنى علشان نحقق التوحيد لازم تحرر نفسك من عبادة الاسباب الى عبادة رب الاسباب يعنى لو قلت كلمت حق او وقفت وقول لا للظلم وتوكلت على ربنا وكنت متأكد انه ها يقف جنبك وعمره ما يخذلك يبقى كده انت مسلم بجد

الاسلام عمروه ما كان عبادات وبس زى الصلاه والصوم والزكاه ايوه طبعا دى حاجات مهمه ولازم نأديها لكن اهم حاجه انك تكون ما بتخفشى من حد الا الله وقتنع تماما ان رزقك عند الله وان كل حاجه فى ايده وان كل شئ بيخضع له سبحانه وتعالى فلما تشوف حاجه غلط ولا تسمع عن حد ماشى غلط وتسيبه يعمل الى هوه عاوزه وتخاف تواجهه علشان خايف تتسجن ولا تترفد ولا حتى تموت يبقى كده انت ايمانك ناقص ولازم تعيد النظر

الدنيا عمرها ما هاتتغير لوحدها لازم نسعى لتغيرها للاحسن علشان نحقق السبب الرئيسى الى ربنا خلقنا علشانه وهوه اعمار الارض وطول ما في ظلم وفى ناس بتساعده سواء علشان خاطر ليها مصلحه او علشان خايفه تواجه عمرنا ما هانقدر نعمرها صح ولا نقيم شرع ربنا فى الارض

اذن الايجابيه هى الحل خذ المبادره وحطم صنمك تحرر من خوفك وانانيتك واعبد ربك كما امرك