يوميات مسجون .. (1) الكابوس

" لا ليس انا ...انا لم افعل شئ صدقونى ... انا لم اقتل احد .... لماذا لا يصغى الى احد منكم .... اتركونى ... الى اين تذهبون بى .... " كان الاطفال يمسكون به جيدا ويسيرون به فى خطى سريعه الى حيث عرش الرحمن ولا يقولوا الا كلمه واحده .. "القصاص القصاص ... يارب اسئله بأى ذنب قتلنا ؟" وعلى وجهه ترى علامات الفزع و الهول ... وفى الخلفيه اوناس كثيرون يهرولون نحوه هو والاطفال يريدون اللحقاق بهم فهم ايضا لديهم معه شأن .... وهو يزداد شحوبا ولا يستطيع ان يفلت منهم " ..... يصحوا ويظل لبرهه لا يصدق انه استيقظ من هذا الكابوس الرهيب ...يحاول ان يصل الى كوب الماء ولكن قدماه لا تستطيع حمله ...وفجأه يرن الهاتف .. .. يجيب وهو يتصنع التماسك " ماذا هناك ؟ .. سيدى.. الرئيس .. لقد أمر النائب العام بحبسك على ذمة التحقيقث خمسة عشر يوما " تدور عينيه فى محجرتهما ويسقط مغشى عليه .

حركة غير عاديه فى مستشفى السجن ... الجميع يهرولن .. يقفون مع بعضهم فى دوائر يريدون استطلاع الامر .. كلهم فضول ليعرفوا من القادم ولماذا كل هذه الحركة الغير عاديه ... من بعيد ترى عم نصر يمشى بثبات وثقه .. قدماه تكاد تخترق الاضى وهو يمشى ... وجهه تعلوه ابتسامة رضى وسعاده نادرا ما شوهد بها ... نظراته ثاقبه وكأنه يرى الغيب ... وبرغم ان عمره يقترب من الستين عاما ولكنك تشعر انه اليوم فى حيويه وطاقة شاب فى العشرين .... يدلف الى احدى غرف المستشفى ويقوم بتهيئتها للقادم .... فيضع بعض الصور هنا ... وبعض الصور هناك ... يعيد ترتيب محتويات الغرفه ... يطمئن ان السرير نظيف ومرتب ... ويضع على باب الغرفه من الداخل صوره كبيره بطول الباب .... وعند النافذه يضع علما بدلا من الستائر .... يقف عن باب الغرفه لبرهه يتأملها ثم تعلوا ابتسامه عريضه وجهه وينصرف .

يفيق و بالتدريج يحاول استيعاب ماذا حدث ... اين انا ؟ يسأل نفسه ... وما هذا المكان ؟ وما كل هذه الصور؟ ومن اتى بعلم فلسطين عند النافذه ؟... انا لا احبه انه يثير اعصابى ... يحاول ان يقوم ولكنه لا يستطيع ... يدرك انه مقيد بأساور حديده فى معصه الى حرف السرير ... يصرخ ..ما هذا ..هل جننتم !!!! ... انا محمد حسنى مبارك لا يستطيع احد ان يفعل ذلك بى ابدا ..... يدخل عم نصر من الباب ويغلقه خلفه فى هدؤء ...ينظر اليه نظره ثاقبه جمدة الدماء فى عروقه ... وجعلة يصمت فجأه عن الثوره والغضب التى كان بها ...يرتعش صوته ويسأله من انت؟ واين انا ؟ ....... يصمت عم نصر لبضع ثوانى قبل ان يجيبه " انت هنا فى مستشفى سجن طره العمومى ..... وانا السجان المكلف بحراستك وادعى نصر محمد امين . "

دعنى اعرفك بنفسى : انا كما قلت لك ادعى نصر محمد أمين اسكن فى الدويقه .. متزوج ولدية ثلاث أبناء ... عائلتى من محافظة سوهاج ... ولعلك تتسأل عن هذه الصور ..لقد وضعتها لك بنفسى ... هنا توجد صور أبنتى الكبرى " أمل " كما ترى انها جميله وكان لى منها حفيدين ولكنهم ماتوا جميعا فى غرق العباره السلام 98 .... هل تتذكرها ...ام يا هل ترى نسيت ... علامات الدهشه التى على وجهة تقول انك نسيت .. حسناّ لا بأس انظر هنا ... هذه صور ابنى الاوسط " أشرف " كان طالبا فى كلية الصيدله جامعة القاهره ...وكان حنون جداعليا وعلى والدته ... ولكنه رحل هو الاخر عندما انهارت صخرة الدويقه فوق منزلنا .... كنت انا فى السجن هنا عندما جائنى الخبر .... أراك لازلت مندهشاّ ...حسناّ ... هذه صورة زوجتى " أم أشرف " كما ترى هى لا تبدوا بخير فبعد الحادث اكتشفنا انها لديها سرطان فى المعده ... ونحن نناضل كى تحصل على علاجها على نفقة الدوله فكما ترى انا لا املك ان اعالجها على نفقتى وعلاج السرطان كما تعلم يتكلف الكثير ..... ولعلك تتسأل عن الصوره الكبيره هذه لمن ؟ صح.. استطيع ان ارى ذلك فى عينيك ... هذا ابنى الاصغر " يوسف " كان قرة عينى وكان يحب ان يذهب الى اعمامه والعائله فى سوهاج كتيرا ... ولهذا كان دائما ما يركب القطار فهو احسن طريقه للوصول .... واخر مره اراه فيها كان يحدثنى عن احلامه فى انه بذل مجهود كبير فى الثانويه العامه وانه يريد ان يكون مهندس اتصالات ولهذا سيبذل كل ما يستطيع لكى يلتحق بكلية الهندسة ..... وبعدها بأيام ...كنت انا هنا فى الخدمه ... عندما احترق قطار الصعيد ... لتلتهم النيران ولدى واحلامه .....

اعتقد ان هذا يكفى لكى تعرف من انا... ولماذا انت هنا ...ولماذا كل هذه الصور ..... لقد انتظرت هذه للحظه كتيراّ .... كنت دائما اراها فى منامى كأنها نبوءه ..... وعندما كنت احدث بها احد اصدقائى كان يربت على كتفى ويمصمم شفاه حسرتاّ على ويقول ان الله لن يضيع دعوة المظلوم ابدا .... ويصمت ولسان حاله يقول انى احلم وانى جننت .... هل يعقل ان تسجن انت واكون انا المكلف بحراستك .... ان هذه لهى بحق سخرية القدر .... ولكن عند الله لا يوجد شئ اسمه مستحيل او لا يمكن .... اريدك ان تستعيد عافيتك قريبا... فهنا كل احبائك وحاشيتك ستراهم عندما تخرج لكى تتريض ..... انتظر ..لقد اعتدت لك مفأجاه اخرى اسمع " الشعب يريد اسقاط النظام ... الشعب يريد اسقاط النظام ...الشعب يريد اسقاط النظام " هااااااااااا ما رأيك ؟ لقد احضرتها لك خصيصا عندما علمت بأنك ستأتى الى هنا وطلبت من الله ان اكون فى شرف استقبالك ..... كف عن الدوران حول نفسك وتأمل صور بعض ضحاياك جيدا... فعما قريب ستراهم يطبقون على رقبتك ويسيرون بك الى عرش الرحمن ويقولون: " يا الله أساله باى ذنب قتلنا ؟ "..... حاول ان تحضر اجابه وان كنت اعلم انك لن تستطيع ان تنطق وسيسيح لحم وجهك من الخجل امام حضرة الله وستشهد عليك اعضائك بما ارتكب واقترفت فى حق شعبك المسكين وحق شعب فلسطين وغزه خصوصا ولهذا اثارت ان اضع لك علم فلسطين كى تتذكر ....

يتركة عم نصر ويخرج ويغلق الباب ..... مبارك ينظر للصور ويشعر كأنما دبت فيها الحياه كلها مره واحده ..... يشعر انهم بالفعل يتحركون نحوه .... يصرخ .. " لا ليس انا ...انا لم افعل شئ صدقونى ... انا لم اقتل احد .... لماذا لا يصغى الى احد منكم .... اتركونى ... الى اين تذهبون بى .... " .... يتحرك علم فلسطين مع نسمات الهواء الساخن التى هبت بالتزامن مع صرخاته ..... وفى الخارج يجلس عم نصر مبتسما فى هدوء يقراء بعض ايات سورة ال عمران "

( قل اللهم مالك الملك تؤتي الملك من تشاء وتنزع الملك ممن تشاء وتعز من تشاء وتذل من تشاء بيدك الخير إنك على كل شيء قدير)"

للذكري :)

أكتشف بالصدفه البحته ان النهارده 6/ابريل/2011 ..... عادة انا مش بركز فى الايام او التواريخ الا اذا كانت ليها ذكرى هامه عندى .... وطبعا يوم 6 ابريل له اهم ذكرى فى وجدانى ..... انا كنت براقب الاوضاع من بعيد من ايام ما كنت فى الجامعه ..كنت كمان ساعات بشترك فى المظاهرات الى كانت عندنا واغلبها كانت علشان فلسطين لكن عمرى ما حد اتكلم معايا ولا عرض عليا افكار .... لحد ما دخلت الفيس بوك قبل اضراب 6 ابريل 2008 ..... كنت متحمسه جدا للفكره ولسه فاكره يوميها ان فى اولياء أمور كتير كانوا بيسألونى هو فعلا فيه اضراب يوميها ونجيب الولاد ولا لا ...... بس ما اسعدنيش الحظ انى اقابل حد من مجموعه شباب 6 ابريل الا فى مارس 2009 ..... لسه فاكره او اجتماع للعضويه الجديده ...ولسه فاكره ازاى اتعرفت على محمد منير يوميها ...كان اول حد عرفته ....ويوميها برضوا اتعرفت على فاتن الوكيل ومنه شرف الدين .... وركبنا مع بض مترو الانفاق .... وبعد كده اتعرفت على " بنت مصر قومية اسلاميه " او مديحه قرقر و محمد عزيز وضياء الصاوى وفاطمه الوكيل و وليد خيرى .... لسه فاكره يوم 6 ابريل 2009 كانت اول مظاهره احضرها بره الجامعه ... كانت على سلم نقابة الصحفيين الى كنت اول مره اروحها ... واول مره اهتف " يسقط يسقط حسنى مبارك " وازاى كان صوتى مش طالع :) .... وبعد كده وقعت فى غرام الهتاف ده بالذات ...كنت بقوله بكل خليه فيا ... ولسه فاكره يوم 16/ 4/ 2009 .... اليوم ده كان فى حفلة لتكريم الناس الى اعتقلت قبل سته ابريل كان فى بنتين ... امنيه وساره وكان فى شباب راحوا اضمنوا معاهم واعقلواه هما كمان نور حمدى وشمس الفخاخرى ومحمد عواد وساره رمضان .... اليوم ده ضياء اهدانى كتاب " ادعوكم الى العصيان " للمستشار طارق البشرى ... وبدأت طريقى فى القراءه وبلورة افكارى وتعرفت على حزب العمل ..... فى الزمن سنتين مش وقت كبير ...لكن انا بعتبرهم بعمرى كله اتعلمت فيهم كتير وقابلت اعز الناس الى قلبى .... كفايه انى طلعت منهم بهدف ورساله انا عايشه ليها وباجدع ناس قابلتهم فى حياتى ...بجد شكرا جدا ليكم ...

ملحوظه : الصوره دى اول صوره ليا فى مظاهره يوم 6 ابريل 2009 على سلم النقابه والى صورهالى محمد منير ولاحظوا الابتسامه العرررررررريضه جدا والفرحه الى انا فيها كأنى مش متحاوطه بــ 6000 عسكرى على الاقل ولا كأن فى اى حاجه فى الدنيا ..... ايام

مجدى حسين ..... المشروع

اشعر بسعاده طاغيه لقرار اللجنه العاليا لحزب العمل بترشيح الاستاذ مجدى حسين لانتخبات الرئاسه القادمه ..... فمجدى حسين بالنسبه لى ليس مجرد شخص او رمز وان كان هذا يكفى .... ولكنه يمثل مشروع ...تيار .... ان كل من تقدموا باعلان ترشيحهم للرئاسه ... لم يلبوا طموحاتى وطموح قطاع عريض من الجماهير المصريه ...... انا اريد لمصر مشروع قومى اسلامى يعديها الى هويتها المفقوده من ايام السادات ... يعديها عربيه اسلاميه .... ونحن لدينا رؤيا شامله لمستقبل مصر وكيف يمكن ان تعود مره اخرى الى دورها المحورى فى المنطقه .... هذه الرؤيا منشوره تحت عنوان " لماذا حزب العمل الاسلامى ؟" ويمكن الاطلاع عليه من خلال هذا الرابط : http://www.el-3amal.com/news/cate.php?t=2&i=20 ولقد تم طباعتة وتجميعه وسوف يكون متوافر ككتاب قريبا .. هذا الطرح من حق مصر ان تستفيد منه ومن حقها علينا ان نعرضه على الجماهير التى سوف تختار فى النهايه من تراه الاصلح .... فانا اراهن على وعيهم ومقدرتهم على التفريق بين الغث والثمين ....

نبذه عن مجدى احمد حسين : ولد مجدي أحمد حسين في 23 يوليو 1951، ووالده هو السياسي المصري أحمد حسين مؤسس حركة مصر الفتاة، وعمه هوعادل حسين رئيس التحرير السايق لصحيفة الشعب والأمين العام السابق لحزب العمل. تخرج مجدي حسين من كلية الاقتصاد والعلوم السياسية عام 1972 شارك فى الحركة الطلابية المطالبة بالحرب وتحرير سيناء 1968.. رئيس اتحاد طلاب كلية الاقتصاد والعلوم السياسية وتخريج من الكلية عام 1972... احد قيادات الحركة الطلابية عام 1972 المطالبة بالحرب وتحرير سيناء.... جندى فى القوات المسلحة لمدة ثلاث سنوات وخلال حرب اكتوبر 1972-1975.... وهو متزوج من د. نجلاء القليوبي أمين عام مساعد حزب العمل.

عمل مجدي حسين محررا للشئون العربية بصحيفة الشعب التي يصدرها الحزب عام 1981، وتولى منصب أمين شباب حزب العمل وعضو اللجنة التنفيذية للحزب، في عام 1993 ترأس مجدي حسين تحرير صحيفة الشعب وأصبح عضو المكتب السياسي للحزب، وبعد وفاة الأمين العام للحزب عادل حسين عام 2001 تولى مجدي حسين منصب الأمين العام لحزب العمل.

نقابة الصحفيين

أصبح مجدي حسين عضو مجلس النقابة ورئيس لجنة الحريات بها عام 1999، ثم خاض انتخابات نقابة الصحفيين المصرية في 3 يوليو 2001م ولكنه خسرها لصالح إبراهيم نافع رئيس تحرير صحيفة الأهرام وقتها، وحصل مجدي حسين على 469 صوتا مقابل 2197 صوتا لإبراهيم نافع، في رده على اتهامات إبراهيم نافع بأن خوضه لانتخابات النقابة كان من أجل صحيفة الشعب خصيصا وأنها محاولة لإظهاره دون برنامج للصحفيين علق مجدي حسين بأن سبب ترشحه هو الانهيار الكبير كما أسماه الذي تعاني منه الصحافة في مختلف المجالات بالإضافة إلى مشكلة صحيفة الشعب التي وصفها أنها رئيسية وليست قضية شخصية.

كان عضوا في مجلس الشعب المصري في الفترة من 1987 إلى 1990، ورشح مجدي حسين نفسه في انتخابات مجلس الشعب المصري عام 2000، وأيضا عام 2005 عن دائرة المنيل ولكنه لم ينجح.

تعرض مجدي حسين للسجن عدة مرات .....

اعتقل لمشاركته فى مظاهرة ضد الجناح الاسرائيلى بمعرض الكتاب 1985...

اعتقل عام 1991 لموقفه من العدوان الامريكى على العراق ...

تعرض لكثير من التحقيقات والمحاكمات بسبب قضايا مكافحةالفساد بين عامى 1993-1998 وبسبب مشاركته فى اغاثة المنكوبين بالزلزال.... وكانت

أبرزها عام 1998 بعد حملة على وزير الداخلية وقتها، وعامي 1999 و2000 بسبب حملة أخرى على وزير الزراعة يوسف والي. في يوم الأربعاء 11 فبراير 2009 حكمت محكمة عسكرية على مجدي حسين بالسجن عامين وتغريمه خمسة آلاف جنيه بعد أن أدانته بتهمة التسلل عبر الحدود بين مصر وقطاع غزة في شهر يناير من العام نفسه، وكانت السلطات المصرية قد قامت باعتقاله يوم 31 يناير أثناء عودته من القطاع....

وتم الإفراج عنه مؤخراً قبل احداث الثوره بأيام قليله

مجدى حسين مقاتل عنيد صلب لا يخشى فى الحق لومة لائم لا يكل ولا يمل من العمل لوطنه ... يمتلك تاريخا مشرفا ... وقلبا نابض بالايمان بالله وبالمشروع القومى الاسلامى ... افعاله تسبق اقواله ... لم يتلون مع الزمن ظل كماهو وظلت مواقفه حاده فى مواجة الفساد ... قد تختلف معه فى المواقف ولكنه يجبرك على احترم صدقه وبسالته فى الدفاع عن قول الحق

الشعب " المفترى عليه "

" من المؤسف بعد ان انتهينا من نظام مبارك نجد الاخوان والسلفيين فى المشهد, ومن المؤسف ايضاً أن التعديلات الدستوريه الجديده تعطيهم الحق فى التواجد ,هل قام الشعب المصري بالثوره حتي يتربع على عرشها الاخوان " !!!!!!!!!!!!!

" الى بيفهموا بيقول ( لا ) للتعديلات الدستوريه واحنا معاهم " !!!!!!!!!!!!!!! على فكره دى كانت احدى اليفط المعلقه امام اللجنه الى كان فيها الاستفتاء لم استطع تصويرها تم ازلاتها للاسف

" لكل اللي قال نعم ، لقد خزوقتوناااا يا رجااالة مع إحترامي الكامل لرأيكم " !!!!!!!!!!!!!!!!!!!!!

" عايز ترقّعها ، أوكيه , بس لو حد سألك عن شرفها , ابقي اكذب عليه " !!!!!!!!!!!!!!!!!!!!

" أووكي الإخوان والسلفيين والشيوخ هيقولوا نعم ..... ماشي ، قشطة أوي .. يبقي يجي ديكتاتور يحطهم في المعتقلات تاني وإحنا ننزل الشارع نعارضه ، بس شعار الثورة الجديد ( الشعب يريد مفاتيح المعتقلات قبل إسقاط النظام ) وإبقوا تفوا في وش أمي لو طلّعنا المفاتيح لجنس مخلوق " !!!!!!!!

فى البدايه اريد ان اقول شئ .... انا كنت متردده جدا فى انى اكتب او اعلق على الى حصل قبل او بعد الاستفتاء وخصوصا بعد اعلان النتيجه .... بس بصراحه شديده حسيت انى لازم اقول ليه انا مابقتشى ارد او اتناقش مع حد فى الموضوع ده .... مش علشان انا معنديش منطق او علشان انا بتعالى وبشوف نفسى فوق النقد .... علشان النماذج البسيطه الى انا حططها فوق دى ...... بأى منطق او عقل او موضوعيه يتم الرد عليها .... ودى نقطة من غيث أمتلاء بيه الفيس وتويتر ..... انا هارد على بعض النقاط الى ممكن الرد عليها :

" الشعب المصرى اضحك عليه من الشيوخ والسلفين وفهموهم ان نعم دى لمصلحه الدين ولان شعبنا " مغيب " صدقهم " ...... الشعب المصرى متدين وعلشان تقدر تأثر عليه اقصر طريق تسلكه هو الدين .... ده صحيح ... بس الى مش صحيح انه مغيب او انه قال " نعم " تحت تاثير الجهل و الاميه واستخدام الشعارات الدينيه .... فا مثلا محمد حسين يعقوب و ابوا اسحاق الحوينى كانوا بيقولوا ان الخروج على الحاكم حرام ومع ذلك السلفين وكتير من اتباعهم نزلوا الى ميدان التحرير و ما عملوش غير الى مقتنعين بيه .... فا محدش يقولى ان السلفين قالوا " نعم " علشان يعقوب او الحوينى قالولهم كده .... وكمان فى المقابل عمرو خالد ومعز مسعود و صفوت حجازى قالوا " لا " وفى ناس كتير من محبيهم اختلفوا معاهم وصوتوا بالى هما شيفينه صح ..... والكنيسه كمان بعتت برقيات للشركات الى اصحبها مسيحين او الى اغلب العاملين فيها مسيحين علشان يصوتوا ب " لا " ومع ذلك فى مسيحين كتير قالوا نعم ومنهم ناس كانوا معايا فى طابور الدخول للجنه ..... يبقى ان الشعب مغيب دى عيبه فى حقنا احنا .... وحق الشعب الى تخلص من مبارك وبيكمل فى التخلص من نظامه .... ويبقى احنا الى فاكرين نفسنا بس الى عندنا وعى وبنعرف نفهم ونختار ونميز الكلام الى بيتقال لينا

" الاسلامين بيسعوا للوصول للسلطه منع غرهم من الوجود على الساحه لان الفتره الى قبل الانتخابات بسيطه مش هانلحق نعمل فيها حاجه وكده ها يبقى الى موجود على الساحه الاخوان بس " .... دى بقى شهاده للاخوان والسلفين انهم برغم كل انواع الحظر والتقيد عليهم ليهم الشعبيه الحقيقيه دى فى الشارع ...... والحقيقه بقى ان نظام مبارك كان بيساوى فى التقيد على كل الناس بس مثلا يعن

ى لما كان حد بيتقبض عليه من اى تيار اخر كان بيلاقى ناس تجرى وراه ( اخرهم يومين او شهرين سنه بالكتير ) وما كانشى بيفضل كتير قوى زى مثلا بهاء فزاع امين حزب العمل فى ملوى الى كل تهمته انه كان بيوزع مقالات للاستاذ مجدى حسين فى الصعيد وبقاله 7 سنين معتقل ولحد الان لم يخرج مع انه داخل على بدايه فشل كلوى ..... فا محدش يقولى اصلنا كنا متضهدين او مش عارفين نشتغل ولا نكون شعبيه فى الشارع ........لو نبطل نعمل استعراضات للقوه فى العالم الافتراضى ونشتغل فى الشارع اكيد هتلاقى ناس تقتنع بمنهجك

" انتوا بعتوا دم الشهداء ... انتوا خونه " انا بقى حا حط ليكم صوره فيها اعداد الى قالوا نعم فى المحافظات ومحدده انا محافظه السويس و اسكندريه الى هما اكتر محافظات مات منها ناس استشهدت ومع ذلك اهلى الناس دى قالوا " نعم " فهل هما باعوا دم ولادهم !!!!!!!

طب انا هافترض معاكم ان شعب مصرى عبيط واضحك عليه المرادى ..... عملتوا ايه علشان ما يضحكشى عليه المره الى جايه ..... نزلتولوا واتكلمتوا معاه فى الشارع .... فكرتوا فى حملة توعيه .... قررتوا طرح افكركم من غير مزايدات على حد ولا تخوين ..... ولا الهجوم على الفيس وتويتر اسهل ..... وللعلم بقى طول ما الهجوم على الاخوان والسلفين والتيار الاسلامى بوجه عام شغال ده نوع من انواع الدعايه المجانيه لانكم بتهاجموا فى الاعلام.... فى العالم الافتراضى.... لكن فى الشارع الناس الى انتوا بتقولوا عليهم مغيبين وجهله ما بيلقوش غيرهم وبدافع الفضول او التحقق من صحة ادعائتكم بيرحوا يشفوهم ويتعاملوا معاهم ....... انا قولت الى فى قلبى وخلصت ضميرى قدام ربنا ...... ومش هادخل فى اى جدال عقيم من ده تانى لانى ورايا مشروع بيحتاج منى كل دقيقه فى الدعوه ليه ..... والله الى عايز ينزل يشتغل ما حدش ها يمنعه والى عايز يفضل يشتم ويهاجم ويعلم علينا وياخد نقط برضوا براحته

اول مره استفتى يا قلبى :)

اول مره استفتى يا قلبى :) واول مره اتهنى ..... كنت عماله اغنيها من اول ما صحيت النهارده :)

الحمد لله حمدا كثير طيبا مبارك فيه ..... بجد انا فرحانه جدا النهارده ... اول مره امارس حقوقى السياسيه بشكل طبيعى من غير قمع ولا ارهاب و خوف ... نزلت النهارده انا وماما واخويا و رحنا الى اقرب لجنه انتخابيه لينا و كل واحدفينا قال رأيه ... ببساطه من غير تعقيدات الكشوف الانتخابيه ولامأساة البطاقه الانتخابيه ... احلى حاجه ان النهارده كل لناس كانت بتشجع بعضها على المشاركه ... من اول سواق التاكسى الى سألنا : هاااااااااا روحتوا الاستفتاء ولا لسه ؟ ... لحد ما وقفنا فى الطابور علشان ندخل اللجنه ... كانت الناس كلها بتسلم على بعض بسعاده واحساس بالزهو ... اصبح لينا صوت يتسمع وبيفرق ... خلاص ما بقيناش كمالة عدد ... واحنا فى اللجنه اتبعنا التعليمات ... كل واحد شافوا بطاقته وتسجل اسمه ورقمه القومى وبعد كده بصمنا ... وخدنا بطاقه التصويت ... واكدوا علينا اننا نفحصها كويس ونتأكد انها مختومه ومافيهاش اى علامات ممكن تبطل الصوت ..... بعد كده انا علمت على الدايره الخضراء ..الى بتقول نعم ... وايدت البطاقه لمسئول اللجنه الى حطها فى الصندوق الزجاجى قدامى وبعد كده غمست اصبعى فى الحبر الفسفورى ... وشكرت رئيس اللجنه وخدت امى وخرجت .... من اول ما تدخل اللجنه الناس بتتعمل معاك بترحاب من اول نقيب الجيش الى على الباب لحد العاملين فى اللجان ... وشوشهم منوره كأنها بتنطق من السعاده .... الاطفال بره الجنه عمالين يغنوا ... ارفع راسك فوق انت مصرى .... كان فى ناس من كل الاعمار من الشباب الى شباب فوق السبعين ... على فكره انا امى كان عندها بطاقه انتخابيه بس عمرها ما راحت ولا شاركة فى اى انتخابات لانهم كانوا بيخدوهم فى اتوبيسات عندها فى الشغل لحد اللجان ... كانت بتنزل من الاتوبيس وتاخد بعضها وتروح .. كانت بتمارس العصيان المدنى لوحدها حتى من قبل ما اكلمها عليه .... ماما عندها 64 سنه واول مره تشارك وناويه تشارك فى كل انتخابات بعد كده ... ايان كان نتجيه الاستفتاء ... انا النهارده حسيت انى نجت ... وان تعبنا ما رحشى على الفاضى ... الحمد لله

المترو .و. الاتوبيس .. و الاستفتاء

نحكى الحكايه من الاول .. كل الناس فى مصر عايزه دستور جديد بس اتقسموا نصيين بالملى ولكل منهم حجته ومنطقه ودلائله براهينه ... لحد هنا كويس ...الى مش كويس بقى اننا لسه بنتعامل بنفس المنطق القديم ايام النظام البائد ... الى مش موافق على وجهة نظرى يبقى خاين .... واضح اننا لسه ما اسوعبناش اننا فى مرحله جديده من حياتنا .. مش هايبقى فيها الدنيا واضحه زى الاول يعنى زمان كان واضح جدا ان فى ناس مع النظام وناس ضده لكن دلوقتى احنا كلنا وطنيين وعايزين مصلحة بلدنا واختلافنا مع بعض ده شى منطقى ومبرر لكن الى لا يمكن انى اقبله انك تمحى كل تاريخى بجرت قلم لمجرد انى اختلفت معاك فى الرؤيه

الرسول لما قبل بشروط صلح الحديبيه برغم من انها كانت مجحفه للمسلمين وبرغم ان فيها مزايا للمشركين هل كان اقل ثوريهوخوفا على دين الله من عمر ابن الخطب الى لف على الصحابه يسألهم " لماذا نعطى الدنيه فى ديننا " .... والى ها يقولى ان الحزب الوطنى قال " نعم " على التعديلات ..هاقوله امريكا بقى عايزانا نقول " لا" ...معنى كده اننا المفروض بقى نبطل صوتنا علشان ما حدش يخونا ولا يقولنا انتوا بضيعوا دم الشهداء ... ما احنا ما عملناش كل ده وضحينا بكل ده علشان فى الاخر نرجع تانى ونبطل صوتنا ..... اخونى ارجوكم قليلا من العقل ...قول وجهة نظرك زى ما انت عايز بس من غير مزايادات ولا اتهامات .... ومش معنى انى بفضل انى اركب مترو الانفاق وانت بتحب الاتوبييس يبقى احنا اعداء الاتنين فى الاخر ها يوصلونا للهدف الرئيسى بتاعنا وهو دستور جديد

مافيش كارثة حتحصل من نتيجة الاستفتاء ده، ومافيش حد من اللي بيقول لا او نعم متآمرين على البلد.. خلاص، احنا خلصنا المحطة دي وقلبنا على محطة نجوم اف ام..لو النتيجة طلعت نعم.. مافيش مبارك آخر حييجي، ومافيش كارثة، ومافيش تسليم للبلد، ومافيش اجهاض للثورة، ولو النتيجة طلعت لا مافيش امريكان حيحتلوا البلد، ومافيش اسرائيل حتجيب عميل لها يحكمنا، ومافيش تقسيم لمصرعشان نبقى واضحين يعني

انا عن نفسى افضل الحكم المدنى على الحكم العسكرى ...وعلشان كده ها قول " نعم " فى الاستفتاء .. انا شايفه ان الجيش خلاص حط صوابعه العشره منا فى الشق مش عارف يرضينا ازاى وخصوصا اننا عمالين نتخانق ونعض فى بعض ..عادى اصل المناقشه عندنا فى مصر لازم تكون متحبشه كده بشويه خناقات وضرب ... بس ده شئ مربك جدا للجيش الى متعود على ان فى قياده واحده وانها هى بس الى بتتكلم مش 50 واحد بيتكلموا وكلهم ظاهريا عكس بعض....

وهنا اقتبس بعض الكلام لنوره نجم :

" يعني مثلا.. المادة التانية مش حتتغير، حتنزل زي ما هي وحتفضل.. انا باواجهكم بالحقيقة عشان ماحدش يتشنج لي

ليه بقى؟ عشان هي دي الديمقراطية، الدستور الجديد يختلف عن الدستور المؤقت، لأنه حيتصوت عليه مادة مادة، والمادة دي لو نزلت او نزل خيار الغاءها او حتى تعديلها، الناس حتصوت لصالح شكلها كده زي ما هي

بس برضه من حق اللي معترضين عليها انهم يعبروا عن نفسهم، ولو عايزين يعملوا مظاهرة يعملوا، ولو عايزين يعتصموا يعتصموا، ولو عايزين يرغوا يرغوا.. صح؟

طب ده بالذمة ينفع في وجود الشرطة العسكرية يا ناس؟ يعني افرض نزلوا يتظاهروا، قام نازل لهم ناس تانية يتظاهروا مع المادة، ينفع في الجو ده، وفي السخونة دي، والشرطة العسكرية قاعدة، والاحكام العرفية، ومحاكم عسكرية، الناس تعمل العملة دي؟

ما هو النقاش محتاج شرشحة وخناق، والجيش ما بيحبش الصوت العالي ولما بيلاقي مدنيين بيشرشحوا لبعض بيرنهم علقة هم الاتنين

- بالنسبة للمجلس الرئاسي

المجلس الرئاسي حكم عسكري بمشاركة مدنيين

يعني مش حيفرق حاجة.. ما هو اصلا ده قائم دلوقت، عندنا وزارة مدنية ومجلس عسكري، كل اللي حيحصل انهم حيتم دمجهم

لكن قانون الطوارئ حيفضل ساري طول ما احنا ما عندناش دستور

الشرطة العسكرية حتفضل قاعدة طول ما المجلس الرئاسي قاعد

المحاكم العسكرية حتفضل شغالة لأن الاحكام العرفية حتفضل موجودة لأن مافيش دستور اساسا

ومافيش حيبقى مجلس رئاسي مدني

لأنه سلطة غير شرعية، والجيش مش حيسلم السلطات لسلطة غير شرعية وغير منتخبة.. ايوة الجيش شرعي، لأنه جيش، ده جيش، له صفة، ايه صفة اعضاء المجلس الرئاسي؟ "

الى انا مش فهماه ليه احنا ثقتنا فى الحكم العسكرى اكبر من ثقتنا فى نفسنا !!!!!! المستشار طارق البشرى رئيس لجنة تعديل الدستور وأحد قمم الفكر فى مصر والعالم العربى والإسلامي يقول:

" أنا خايف ليحصل في مصر زي ما حصل سنة 54 .. كانت المفاضلة بين رجوع الأحزاب أو مجلس قيادة الثورة .. فطلعت مظاهرات تؤيد إستمرار مجلس قيادة الثورة وتقول تسقط الديمقراطية وهذا النظام غير الديمقراطى هو الى أكل كل انجازات عبد الناصر .. وقتها كانوا بيقولوا خايفين من عودة الباشوات تاني زي ما في ناس دلوقتيبيقولوا خايفين من الحزب الوطني والأخوان" .... وكما يقول فهمى هويدى : " ولا أظن أن الأحزاب التقليدية تحتاج إلى مهلة خصوصا أن بعضها له وجوده منذ ثلاثين عاما أو أكثر ــ كما أننى لا أظن أن ثمة قلقا من فلول الحزب الوطنى لأن أحدا لا يستطيع أن يترشح ممثلا له. ولذلك فإننى أزعم أن المنافسة الحقيقية ستكون بين الإخوان وبين القوى التى تستلهم روح الثورة، والأولون ليسوا بحاجة إلى مهلة، والآخرون يملكون رصيدا كافيا من الشعبية يمكن أن يتفوق على الإخوان. وهذا الرصيد قد يتراجع إذا تم تمديد المهلة. أما المستقلون فإنهم يستندون إلى رصيدهم المحلى فى دوائرهم، خدميا كان أم عائليا وتاريخيا، وهم أيضا ليسوا بحاجة إلى مهلة."

اخيراّ انا أرفض الوصاية عى الشعب سواء من المؤيدين للتعديلات او الرافضين لها أرفض التخوين و المزايده ، اعرضوا رؤيتكم للشعب واتركوه يختار ولا تملوا عليه اختياراتكم ولا توجوهوه حيث تتجهون بل اطلعوه على الأمر واتركوه يختار ، نريد ديمقراطية حقيقية لا حشد للقطعان

الاستفتاء .. المصير

** اود ان اقول فى بداية هذه المقاله ان مرجعيتى القانويه فيهاهو الاستاذ صبحى صالح وهو احد اعضاء لجنة تعديل لدستور

http://www.youtube.com/watch?v=_N5_pDzgWck

ان هذه التعديلات التى سنقوم بالاستفتاء عليها يوم السبت الموافق 19/3/2011 هى مجرد قنطره تنقلنا من الشرعيه الثوريه التى تتميز بعدم وجود مؤسسات الى الشرعيه الدستوريه التى تؤسس الى نظام قنونى تشيد بمقتضاه مؤسسات دستوريه .... وهذا كان الهدف من لجنة تعديل الدستور .. هو خلق الاليه التى تؤمن هذا الانتقال وهى الانتخابات .. وحتى نسطتيع ان نحقق هذا الهدف نحتاج الى شيئين :

1- ضمان ديمقراطية ونزاهة الانتخابات .

2- التأكيد على سيادة الشعب .

المواد التى عدلتها اللجنه هى 11 ماده وتوزيعها كألاتى :

4 لتأمين انتخابات الرئاسه (75-76-77-139) .. 2 لتأمين انتخابات المجالس النيابيه (88-93) .. 5 لتأكيد السياده للشعب (الغاء 179- تعديل 148- اضافة فقره لـ 189- اضافة 189 مكرر - اضافة 189 مكرر 1)

وهناك ضمانات وضعتها اللجنه حتى تكون عملية الانتخابات نزيه بالفعل يتمثل فى :

1-جداول مستقاه من الرقم القومى ( غير قابله للتعديل ) الانتخاب بالرقم القومى ( غير قابل للتكرار )

2- هيمنة قضائيه على مجمل العمليه الانتخابيه ( من الجداول حتى اعلان النتيجه ) .

3- جعل الفصل فى صحة الطعن اختصاص محاكم ( النقض ) وليس اختصاص المجلس ( علشان ما نسمعشى تانى كلمة المجلس سيد قراره ) وخلال 30 يوم .

بمعنى اوضح واسهل اننا حين نذهب للاستفتاء سنقوم بالاجابه على سؤالين :

1- هل توافق على ان تجعل الانتخابات مأمنه برقم قومى وحراسه قضائيه بطعن امام القضاء ؟

2- هل توافق على اننا بمجرد انتخاب المجالس التشريعيه تنشئ هذه المجالس عن طريق الانتخاب جمعية تأسيسيه لوضع دستوركامل جديد خلال سقف زمنى اقصاه 6 أشهر؟ ... وهذا للاول مره ان يكون تكوين هذه اللجنه بأنتخاب منذ دستور عام 23 وهذه اللجنه مكونه من 100 عضو يتم انتخابهم ومستقله فى قرارها وليس للرئيس او للمجالس اى وصايه عليها وحين تنتهى من وضع الدستور يطرح للاستفتاء وحين يقره الشعب يصبح ساريا على الجميع وهذه الجمعيه تعمل فى مده لا تتجاوز 6 أشهر بمعنى بمجرد انتهائهم من عمل الدستور الجديد يتم طرحه للاستفتاء ..... وهذا يعنى اننا حققنا مطالب الثوره ( الديمقراطيه ) عن طريق تحيد وتأمين الية الانتخاب و ( دستور جديد ) عن طريق هذه اللجنه

ولهذا فأن هذه المواد مرتبطه ببعضها ارتباطاّ عضوياّ ولا يمكن فصلها ولذلك سوف يتم الاستفتاء عليها جمله واحده

هناك من يتسأل لماذا لا نقوم بوضع دستور جديد ؟

الجمعية التأسيسيه التى سوف تضع الدستور لها طريقتان للظهور اما بالتعين او بالانتخاب لو بالتعين فسوف يقوم الجيش بتعينهم اما لو اخترنا الانتخاب فأنتخاب نوعين (الديمقراطيه المباشر والديمقراطيه غير المباشر ) ولاننا نريد 100 عضو يمثلون كافه الاوان الطيف السياسى ويمثل فيهم النصاره والمرأه فلن تستطيع انتخابهم من القاعده مباشرة واذا اتجهت الى القاعده وطلب منهم ان يحددوا 100 عضو فستصبح نسبة البطلان اكثر من الصحيح .. فكان الانسب ان يكون الانتخاب على درجتين وبالتالى لابد ان ننتخب مجلس الشعب و الشورى الذين سوف ينتخبون هذه الجمعية التأسيسيه

وهناك من يسأل لماذا لا ننتخب رئيس يقوم هو بعد ذلك بتعين اعضاء الجمعية التأسيسيه لوضع الدستور ؟

اذا حدث ذلك سنكون كمن خلع دكتاتورا ونصب اله .. لان رئيس بلا مؤسسات ولا مجالس ولا دستور يصبح اله ( ما اريكم الا ما ارى و ما اهديكم الا سبيل الرشاد ) ثم يأتى بدستور ( ولتصنع على عينى ) ويأتى بمجلس ( واصتنعتك لنفسى ) ولذلك كانت لجنة تعديل الدستور حرصيه على خلق المؤسسات قبل الاشخاص .. ابنى الدوله واتى لها بحاكم ولكن لا تاتى بحاكم يفصل له دوله

ولذلك نحن فى حزب العمل الاسلامى

نهيب بالشعب المصرى العظيم أن يأخذ المبادرة بيديه كما فعل طوال الثورة, وأن يواصل الحفاظ على الثورة ودفع مكتسباتها إلى الأمام، بالزحف لصناديق الاقتراع والتصويت بنعم.

إن الثورة العظيمة التى حمت ميدان التحرير وسائر الميادين والأحياء خلال الأيام المجيدة السابقة لقادرة بإذن الله تعالى على حماية عملية الاستفتاء بالتعاون مع الشرطة التى يتعين أن تواصل الإسراع فى النزول إلى الميدان، وبتكاتف الشعب وأفراد الشرطة (من خارج جهاز أمن الدولة المنحل) مع القوات المسلحة يمكن تأمين عملية التصويت. وإن كان من الضرورى الإسراع بحبس كبار المتآمرين فى الحزب الوطنى وجهاز أمن الدولة لتأمين مصر ككل قبل مجرد تأمين عملية الاستفتاء....

يا شعب مصر العظيم ويا صاحب هذه الثورة المجيدة: الجيش يريد تسليم السلطة إليك فهل ترفض؟!

إننا وباسم أرواح الشهداء ودمائهم الزكية التى عطرت تراب مصر ندعوكم إلى الزحف يوم 19 مارس للتصويت بنعم لإعلان استعداد الشعب لاستلام السلطة من هذا الجيش الوفى، حتى يعود إلى ثكناته والى مهمته الرئيسية فى حماية الوطن.

إن التصويت بلا يعنى فشل الثورة والمطالبة الصريحة بعودة السفاح مبارك لحكم البلاد, أو فى الحد الأدنى سيعيدنا ذلك إلى نقطة الصفر, بينما يريد الشعب أن يتقدم إلى الأمام وأن يقصر فترة آلام الانتقال وأن يسرع بالعودة إلى الحياة الطبيعية وفقا لأسس ومبادىء ثورة 25 يناير.